Documentos legais

1. Que hai na pantalla

Baixo «Documentos Legais PRL» están o botón «Pack de Inspección» e un aviso: os documentos saen cos datos actuais do sistema. Despois veñen seis tarxetas: «Plan de Prevención», «Avaliación de Riscos», «Planificación Preventiva», «Rexistro de Formación», «Vixilancia da Saúde» e «Coordinación CAE». Cada unha di que documento é e que artigo o pide, e ten o despregable «Modelo», a ligazón «Xestionar» e o botón de descarga «Xerar».

2. Xerar un documento

1. Na tarxeta, escolle en «Modelo» con que modelo sae: o do sistema ou unha copia que fixese a túa empresa.

2. Preme «Xerar». O documento faise cos datos da empresa, os centros, os riscos, as medidas, a formación ou os contratistas que hai agora en goPrevina, e descárgase en PDF.

3. A tarxeta queda marcada cun check e di “Gardado en Documentos › Legal.” coa ligazón “Abrir”. Se xa o xeraras antes, di “Gardouse unha versión nova en Documentos › Legal.”.

Se o modelo ten seccións que redacta Nora, antes do PDF ábrese a revisión desas seccións: acéptaas ou corríxeas e despois xérase.

3. O pack de inspección

«Pack de Inspección» reúne os seis documentos nun só, co seu índice, para a Inspección de Traballo. Descárgase e gárdase en Documentos › Legal igual que os demais, coa súa ligazón “Abrir”.

4. Usar un modelo propio

«Xestionar» abre Modelos, onde podes copiar o modelo do sistema e adaptar as súas seccións. A copia aparece despois no despregable «Modelo» da súa tarxeta.

5. Se faltan datos da empresa

Os documentos levan os datos da túa empresa. Se falta o nome, os botóns non se activan e a pantalla di “Completa o perfil da túa empresa antes de xerar documentos”. Se faltan outros datos, como o CIF, o domicilio ou a modalidade preventiva, aparece “Faltan datos da empresa nos documentos” cos campos que sairían en branco e a ligazón “Completar en Axustes da empresa”.