Inspeccións

1. As cifras e a lista

Arriba: «Total», «Pendentes» (programadas e sen facer), «En Progreso» e «Completadas».

A lista ten as columnas «Nome», «Estado», «Data», «Inspector» e «Cumprimento». O estado é «Programado» (por facer), “En Progreso”, «Superada» ou «Non superada». «Cumprimento» é a porcentaxe de puntos conformes; nunha inspección aínda sen facer di «Non completado».

«Filtros» deixa a lista por estado ou por modelo e «Exportar a Excel» descárgaa.

2. Programar unha inspección

1. Preme «Nova Inspección».

2. Escolle o “Modelo”: define as preguntas que se van revisar (por exemplo, unha inspección de seguridade en planta, de andamios ou de equipos e maquinaria).

3. Enche “Nome”, o “Inspector” que a fará, a “Localización” (centro, departamento e área) e a “Data programada”. Preme “Crear”.

A inspección aparece na lista como «Programado» e conta en «Pendentes».

3. Facer a inspección

1. Na fila dunha inspección programada preme «Iniciar Inspección».

2. Responde cada pregunta do modelo, agrupadas por bloques (vías de evacuación, protección contra incendios, risco eléctrico…): “Correcto”, “Incorrecto” ou “N/A”, ou “Aprobar” / “Suspender” segundo a pregunta.

3. Se un punto non é conforme, describe a “Acción Correctiva” que hai que tomar.

4. Ao rematar, asina a inspección e preme “Completar”. Queda en só lectura.

4. Ler o resultado

Preme unha inspección completada para ver a súa ficha. “Puntuación de Cumprimento” é a porcentaxe de puntos conformes; supérase co mínimo que indica (por exemplo, 80 %). Debaixo están o número de puntos conformes, non conformes e N/A, os “Achádegos” e a resposta a cada pregunta.

Desde a ficha podes “Exportar PDF” ou “Imprimir” a acta; “Editar” cambia os datos xerais e “Eliminar” bórraa.

5. Modelos e permisos

As preguntas de cada tipo de inspección defínense en Modelos de Inspección, que só ven os administradores.

Programar, facer ou eliminar inspeccións require permiso de escritura. Por defecto o módulo de inspeccións está aberto a editores e administradores; un usuario de só lectura ve o aviso “Este módulo está desactivado”.