Modelos de avaliación

1. A lista de modelos

As columnas son «Nome» (coa descrición debaixo e a etiqueta «Predeterminada» se o é), «Categoría», «Estado» («Activa» ou inactiva) e «En uso», o número de avaliacións de riscos que teñen asignado ese modelo.

Ao final de cada fila hai cinco iconas: vista previa, editar, clonar, activar ou desactivar, e eliminar.

2. Crear ou editar un modelo

1. Preme «Novo modelo» (ou a icona de editar nunha fila).

2. Enche “Nome”, “Descrición” e “Categoría”.

3. En “Estrutura do modelo (JSON)” escribe as seccións e os campos do modelo en formato JSON; se o JSON non é válido, non se garda.

4. Marca “Modelo predeterminado” se debe ser o que se usa por defecto e “Activa” para que estea dispoñible. Preme “Gardar”.

Para partir dun existente sen tocalo, usa a icona de clonar: pide o nome da copia.

3. Revisar, desactivar ou eliminar

A vista previa mostra as seccións e os campos do modelo tal como os verá quen avalíe.

Un modelo con avaliacións en «En uso» non se pode eliminar: a aplicación pídeche que o desactives. Desactivalo déixao fóra de uso sen tocar as avaliacións que xa o teñen.

4. Quen entra aquí

Só os administradores da empresa abren esta pantalla; un editor non a ve no menú. As avaliacións créanse desde Avaliacións de Riscos, e o seu asistente non pregunta polo modelo.