Contexto e riscos

«Contexto e riscos» reúne o que a ISO 9001 pide nos apartados 4.1, 4.2 e 6.1: o DAFO da túa empresa, as partes interesadas co que necesitan e esperan, e o rexistro de riscos e oportunidades dos teus procesos coas súas accións.

1. O DAFO (apartado 4.1)

Na lapela «DAFO» hai catro caixas: fortalezas e debilidades (o de dentro) e oportunidades e ameazas (o de fóra). Preme «Engadir unha fortaleza» (ou o botón de cada caixa), escribe unha frase curta e garda. Cada liña ten unha data de revisión, por defecto dentro dun ano: se pasa, márcase en vermello.

2. Partes interesadas (apartado 4.2)

En «Partes interesadas» preme «Engadir unha parte interesada». Escolle quen é (cliente, provedor, persoal, administración, entidade certificadora…), canta importancia ten para ti e apunta que necesita, que espera e como comprobas que o cumpres. Podes buscar e editar cada unha desde a lista.

3. Riscos e oportunidades (apartado 6.1)

En «Riscos e oportunidades» preme «Engadir un risco ou oportunidade». Escribe que pode pasar, o proceso ao que afecta e puntúa a probabilidade e o impacto de 1 a 5: a puntuación é o produto dos dous e o nivel sae só (baixo, medio, alto ou crítico). A lista vai de maior a menor puntuación e catro tarxetas filtran: abertos, nivel alto ou crítico, revisión vencida e altos sen accións.

4. Accións e seguimento

Abre a ficha dun risco ou oportunidade e, na lapela «Accións», preme «Nova acción»: queda ligada, con responsable e data, e aparece tamén en Accións. En «Máis» cambias o estado: comezar a tratalo, controlado, pechado ou reabrir. Se o nivel é alto e non ten accións, a ficha avísate. No panel de Calidade, a tarxeta «Riscos e oportunidades» conta os altos sen accións e as revisións vencidas, e cada número abre a lista xa filtrada. O mesmo sae en «Que facer», para o responsable de cada un, coa ligazón á ficha.