Seguimento de accións

«Seguimento de Accións» reúne as accións correctivas, preventivas e de mellora, veñan dunha non conformidade, unha auditoría, un incidente, unha reunión, un risco ou unha inspección. Cada unha ten responsable, data límite e, se fai falta, verificación de eficacia.

1. A lista

Arriba hai catro tarxetas que contan e filtran: «Vencidas», «Vencen en 30 días», «Pendentes de verificar» (completadas que requiren verificación) e «Sen responsable». Preme unha para filtrar e volve premela para quitar o filtro.

Debaixo están o buscador, os estados coa súa cifra («Aberta», «En curso», «Completada», «Verificada», «Cancelada») e «Máis filtros», que engade prioridade e orixe. Cada fila mostra o título, o número, a prioridade, o responsable, o estado e a data límite; se xa pasou, a data vai en vermello.

2. Crear unha acción

Preme «Nova Acción». Só o “Título” é obrigatorio. Escolle o “Tipo”, a “Orixe” e a “Prioridade”, indica quen a fai en “Asignada a” e a “Data límite”. Marca “Require verificación de eficacia” se, ao terminala, alguén debe comprobar que funcionou. Garda con “Crear”. Ao gardar, a persoa de “Asignada a” recibe un aviso; se cambias quen a fai ou a data límite, avísase de novo. Na ficha, a lapela “Responsable externo” permite asignala a unha persoa sen conta (guía “Responsable externo e avisos de asignación”).

3. Avanzar, completar e verificar

A ficha ofrece como botón principal o seguinte paso: “Iniciar” (de Aberta a En curso), “Marcar como completada” (garda a data de finalización) e, só se a acción require verificación, “Verificar eficacia”. “Cancelar acción” está no menú “Máis”.

O “Progreso” (%) cámbiase ao editar. Na lista, o menú da fila tamén ten “Marcar como completada”.

4. Quen ve que

Crear, editar, completar e borrar piden permiso de edición. Cun rol de consulta ves todas as accións sen poder cambialas, agás as que veñen dun incidente ou dun traballador: esas só as ves se cha asignaron, porque poden levar datos persoais ou de saúde. Se a empresa non ten o módulo Calidade e mellora, ves “Este módulo está desactivado”. As accións vencidas e as que vencen pronto aparecen en “Que facer” do Panel de Mellora.