Documentación de contratistas

1. Filtros, cifras e táboa

Baixo o título, os filtros «Todos», «Pendentes», «Próximos a caducar», «Aprobados» e «Caducados» (entre parénteses, cantos hai). As cifras «Total de documentos», «Pendentes de Validar», «Próximos a caducar» e «Aprobados» contan o mesmo.

A táboa ten «Documento» (nome e tipo), «Contratista», «Estado», «Validez» (desde - ata), «Subido por» e «Accións». Os estados son Pendente, En revisión, Aprobado, Rexeitado e Caducado; un aprobado que caduca pronto leva ademais “Caduca en N días”.

2. Subir un documento

Preme «Subir documento» e elixe o contratista en “Seleccionar contratista” (podes buscar por nome, CIF ou contacto). En “Subir documento” arrastra o ficheiro, elixe o “Tipo de Documento”, escribe o “Nome do Documento” e, se o ten, o “Número de documento”. Enche “Válido desde” e “Válido Ata” e preme “Subir”.

“Válido Ata” é a data que xera os avisos de caducidade: se a deixas baleira, o documento nunca aparecerá como próximo a caducar.

3. Revisar, aprobar ou rexeitar

En «Accións» cada fila ten “Ver”, “Descargar”, “Aprobar”, “Rexeitar” e “Eliminar”. Abre o documento con “Ver” ou “Descargar” e compróbao.

“Aprobar” pide confirmación. “Rexeitar” abre “Rexeitar Documento” e esixe o motivo: o contratista veo no seu portal para corrixilo e volver subilo. Só os documentos aprobados contan para o cumprimento do contratista.

4. Ter ao día o que caduca

Preme «Próximos a caducar» para ver o que vence pronto e «Caducados» para o que xa venceu; o Panel CAE leva aquí con “Revisar documentos caducados”. Pídelle a versión nova ao contratista (ou súbea ti) e apróbaa. En «Notificacións» podes enviarlle o lembrete nese momento.

5. Quen pode facer que

Coordinación CAE, por defecto, só a ven os administradores; en “Axustes da empresa › Módulos” pódese abrir a editores ou a todos. Un lector con acceso pode ver e descargar, pero subir, aprobar, rexeitar e eliminar aparecen desactivados.