Simulacros de emerxencia
A lapela «Simulacros» dun plan de emerxencia serve para programar un simulacro, convocar o equipo de emerxencia e os traballadores, rexistrar como foi e converter o que fallou en medidas preventivas. Ábrese desde “Emerxencias”, no menú Medio Ambiente, ao abrir un plan de emerxencia.
1. Programar un simulacro
«Programar simulacro» (para quen pode editar, e só co plan en vigor) abre “Programar un simulacro”: “Escenario” (Incendio, Evacuación, Derrame químico, Emerxencia médica, Ameaza de bomba ou Outro), “Data e hora”, “Centro de traballo” (por defecto “Todos os centros”) e a caixa “Simulacro sen aviso”. Gárdase con “Programar”. Un plan que non está en vigor responde “O plan debe estar en vigor para programar un simulacro.”: aprobao antes.
2. Convocar o equipo e os traballadores
Cada simulacro programado mostra “Avisado” ou “Sen aviso” e dous bloques de convocatoria: “Equipo de emerxencia e observadores” e, se é avisado, “Traballadores”. En cada un, “Convocar” abre a convocatoria de tipo Simulacro coa data e o centro do simulacro (envío, confirmacións e asistencia como se explica na guía “Convocatorias”).
A un simulacro sen aviso non se convocan os traballadores: non aparece o seu bloque e o servidor rexéitao; só se convoca o equipo de emerxencia e os observadores. “Cancelar simulacro” cancela tamén as súas convocatorias.
3. Rexistrar a execución e os achados
“Rexistrar execución” abre “Rexistrar o simulacro”: “Data de realización” (non pode ser futura), “Evacuación (minutos)” e “Evacuación (segundos)”, “Participantes” (se o deixas baleiro, cóntanse as persoas marcadas como asistentes nas convocatorias), “Observadores”, “Notas” e “Achados”. Cada achado leva “Que fallou ou se pode mellorar”, “Gravidade” (Baixa, Media ou Alta), “Responsable” e “Data límite”.
“Gardar simulacro” pásao a “Realizado”, actualiza a data do último simulacro do plan e calcula o seguinte coa frecuencia do plan, e arquiva en Documentos o informe PDF (“Informe arquivado en Documentos”). O botón “Rexistrar simulacro” da cabeceira do plan garda só a data e o resultado.
4. De achado a medida preventiva, e o informe
Nun simulacro realizado, cada achado ten “Crear medida preventiva”, que se activa cando ten responsable (“Escolle un responsable ao rexistrar o simulacro para crear a medida.”). A medida é de tipo organizativa, coa prioridade que corresponde á gravidade (alta, media ou baixa), o responsable e a data límite do achado; despois o achado mostra “Abrir medida”. Os achados do simulacro saen en “Seguimento” como “Achado de simulacro”. “Descargar informe” baixa o informe PDF do simulacro.