Bezeroen erreklamazioak
«Bezeroen erreklamazioak» atalak bezero batek produktu edo zerbitzu bati buruz egiten duen kexa bakoitza gordetzen du: nork artatzen duen, noiz arte dagoen erantzuteko, ikertzeko irekitzen den ez-betetzea eta bidaltzen den erantzuna.
1. Erreklamazio bat erregistratu
Sakatu «Erreklamazioa erregistratu» eta idatzi bezeroa, iritsi zen eguna eta nola (telefonoa, posta, aurrez aurre, weba edo beste bat), produktua eta lotea, zer gertatu den, larritasuna, erantzuteko data eta arduraduna. Arduradunari esleitzean abisatzen diogu, erantzuna iraungi baino 7 egun lehenago eta egun berean. Gorde ondoren argazkiak gehi ditzakezu «Argazkiak» fitxan. Bezeroa, eguna, nola iritsi zen edo zer gertatu den falta bada, pantailak eremua markatzen du eta zer idatzi esaten du; ez da ezer galtzen. Sareak huts egiten badu, egiaztatu konexioa eta sakatu berriro «Gorde». Argazkiak JPG, PNG, WEBP edo HEIC dira, erreklamazio bakoitzeko 10 arte. Zerrenda kargatzen ez bada, «Ezin izan ditugu erreklamazioak kargatu» agertzen da eta berriro saia zaitezke.
2. Ez-betetze batekin ikertu
Fitxan, sakatu «Ez-betetzea ireki»: klik batean sortzen da erreklamazioaren datuekin (bezeroa, produktua, lotea, deskribapena, larritasuna eta arduraduna) eta bi noranzkoetan lotuta geratzen da. Erreklamazioa «Ikertzen» egoerara pasatzen da. Aztertu kausa nagusia eta ekintzak ez-betetzean; handik erreklamaziora itzultzen zara bere estekarekin.
3. Bezeroari erantzun
«Bezeroari erantzuna» atalean, sakatu «Eskatu zirriborroa Norari»: Norak erantzun bat idazten du erreklamazioarekin, kausa nagusiarekin eta ekintzekin. Berrikusi eta aldatu, bidali bezeroari zure postaz edo telefonoz eta sakatu «Bidalitako gisa markatu». Erreklamazioa «Erantzuna» egoeran geratzen da. Bezeroa artatuta dagoenean, sakatu «Erreklamazioa itxi».
4. Epeak eta jarraipena
Zerrendan, lau txartelek iragazten dute: irekiak, erantzuna iraungita, 7 egunetan iraungitzeko eta hilabete honetan itxiak. Iraungitako erantzunak Kalitatearen ikuspegi orokorrean ere agertzen dira, hilabete bakoitzeko erreklamazioekin batera. Itxitako erreklamazio bat «Gehiago» menutik ireki daiteke berriro; orduan erantzun berri bat bidali behar da.